حرص الفنان حسام حبيب على توضيح طبيعة علاقته بالفنانة شيرين عبدالوهاب، مؤكدًا أنها ما زالت قوية وخالية تمامًا من أي خلافات.
وقال حسام عبر برنامج «ET بالعربي»: «علاقتي بشيرين زي الفل، ولا في أي حاجة… الإخوات بيتخانقوا والأصحاب بيتخانقوا، وإحنا والله العظيم بينا لو الناس عرفت خناقاتنا، هتضحك. كلها كانت حاجات بسيطة».
وأضاف حسام حبيب: «شيرين فنانة عظيمة وكبيرة، وصوت الوطن العربي مش صوت مصر بس، وأنا بعتذر لها لو كنت قلت لها أي حاجة في يوم تضايقها في وقت زعل».
وتابع مؤكدًا احترام شيرين لجمهورها: «أنا مش شايف خالص مشاكل، بالعكس، شيرين بتحب جمهورها أكتر من أي حد، وبتعتبرهم أهلها، وأنا ساعات كنت بغير من جمهورها.
واختتم حسام حبيب حديثه عن شيرين عبدالوهاب قائلًا: «يا شيرين يا حبيبة قلبي، إنتي واحدة علمتينا يعني إيه إصرار، ويعني إيه حد يكون محب للفن ولجمهوره. أشوفك دايمًا ناجحة ومكسرة الدنيا»
